ບໍລິສັດ ເຄເອັສດີ ການຢາ ຂາອອກ-ຂາເຂົ້າ ຈໍາກັດຜູ້ດຽວ ຫຼື KSD Pharma Export-Import sole Co.,Ltd ບໍລິສັດນໍາເຂົ້າ, ເປັນຕົວແທນ ແລະ ຜູ້ຈັດຈຳໜ່າຍ ສິນຄ້າດ້ານສຸຂະພາບທີ່ຫຼາກຫຼາຍ ດ້ວຍປະສົບການຫຼາຍກວ່າ 20 ປີ.
ໄລຍະທີ່ຜ່ານມາ ພວກເຮົາສາມາດຕອບສະໜອງຄວາມຕ້ອງການທີ່ຫຼາກຫຼາຍຂອງຕະຫຼາດພາຍໃນ ໃນປະເພດຢາປົວພະຍາດ, ຢາພື້ນເມືອງ, ອາຫານເສີມ, ເຄື່ອງສໍາອາງ, ອຸປະກອນທາງການແພດ ແລະ ສິນຄ້າ ອຸປະໂພກ/ບໍລິໂພກ ທີ່ກ່ຽວກັບສຸຂະພາບ.

ປັດຈຸບັນ, ບໍລິສັດໄດ້ສຸມໃສ່ໃນການນໍາເຂົ້າ ແລະ ຈັດຈໍາໜ່າຍສິນຄ້າ ທີ່ເປັນຕົວແທນຈຳໜ່າຍ ໂດຍມີເປົ້າໝາຍທີ່ຈະເປັນຜູ້ນຳໃນການຈັດຈຳໜ່າຍຢາ ແລະ ຜະລິດຕະພັນດ້ານສຸຂະພາບ ພ້ອມກັບການສ້າງຜະລິດຕະພັນຂອງບໍລິສັດ ທີ່ສົ່ງເສີມການນໍາໃຊ້ຜະລິດຕະພັນ ແລະ ວັດຖຸດິບພາຍໃນປະເທດ ທີ່ໄດ້ມາດຕະຖານສາກົນ ໃຫ້ເປັນທີ່ຈົດຈໍາ ແລະ ເປັນທີ່ຍອມຮັບຂອງຕະຫຼາດລາວຫຼາຍຂຶ້ນ. ນອກນັ້ນ, ການພັດທະນາທຸລະກິດຂອງບໍລິສັດ ຍັງໄດ້ເລັງໃສ່ຮູບແບບການສ້າງຕົວແທນຈໍາໜ່າຍ ຄຽງຄູ່ກັບການຈັດຈໍາໜ່າຍ ໃຫ້ກັບກຸ່ມລູກຄ້າຫຼັກໃນຂອບເຂດທົ່ວປະເທດເປັນຕັ້ນແມ່ນ ຮ້ານຂາຍຢາ, ຄຣີນິກ, ໂຮງໝໍ, ອົງການຈັດຕັ້ງສາກົນ, ບໍລິສັດເອກະຊົນ ພາຍໃນ, ຮ້ານສະດວກຊື້ ແລະ ຫ້າງສັບພະສິນຄ້າ.